اسلام آباد۔15اکتوبر (اے پی پی): تئی کارانی وزیر اعجاز احمد شاہ ءَ کوسٹل ہائی وے ءِ سرءَ او جی ڈی سی ایل ءِ قافلہ ءِ سرءَ اُرش کنگ ءَ را ترندیں ءَ ایرجتگ ءُ گشتگ کہ ناشرکاری ءِ اے وئیل یک لگوریں کار اِت۔ پنچ شمبے ءِ روچءَ تئی کارانی وزارت ءَ چہ جاری بیان ءِ ردءَ بنجاہی وزیر اعجاز احمد شاہ ءَ شہید بوتگیں 6 سکیورٹی اہلکار آناں داد ءُسلام پیش کتگ ءُ پہ شہید آں حاسیں دعاکتگ ءُ پُشپدآنی ھاترءَ سگ ءُ اوپار ءِ دعا کتگ۔ آئی ءَ قیمتی جان آنی زوال بوہگ ءَ گم ءُ رنج ءِ درشانی کتگ ءُ گشتگ کہ ناشرکاراں آیانی مول ءُ مراد ءَ سوبین بوہگ نیلاں۔ آئی ءَ گشتگ کہ اُرش ءَ ہواریں مردمانی حلاپ ءَ زوت کاروائی کنگ بیت ءُ آیاں آسرءَسرکنگ بیت۔
