اسلام آباد۔15اکتوبر (اے پی پی): مزن وزیر ءِ حاسیں کمک کار ڈاکٹر شہباز گل ءَ گشتگ کہ مسلم لیگ(ن) ءِ راہشون خواجہ آصف ءَ اسمبلی ءِ فلور ءَ گشتگ کہ خدا ءِ کسم اِنت کہ نواز شریف علاج کنگ ءَ پد ملک ءَ واتر بیت۔ پنچ شمبے ءِ روچءَ یک ٹویٹ ءَ آئی ءَ گشتگ کہ نوں نواز شریف دُرا بوہگ ءَ پد ہم لندن ءَ چکرگ ءَ اِنت۔ ڈاکٹر شہباز گل ءَ گشتگ کہ (ن) لیگ ءِ راہشون کجام دپ ءَ گوں شرپ، لج ءُ ننگ ءِ گپ ءَ کنگ ءَ اَنت ، وہدے کہ گوں واجہ ءَ سٹیج ءِ سرءَ الم ءَ دُزانی گلّے ساڑی بیت۔
