کوئٹہ۔ 15 اکتوبر (اے پی پی) چیئرمین کشمیر کمیٹی و باسک قومی اسمبلی شہریار خان آفریدی سول ہسپتال کوئٹہ نا دورہ ءِ کرسا بمب دھماکہ ٹی ٹھپی مروک آ بندغ آتا جان پڑسی ءِ کرے۔ ڈپٹی اسپیکر بلوچستان اسمبلی سردار بابر موسیٰ خیل، باسک صوبائی اسمبلی مبین خان خلجی و پاکستان تحریک انصاف نا راہشون ئسک ہم داوخت آ اوڑتون اوار ئسر۔ چیئرمین کشمیر کمیٹی و باسک قومی اسمبلی شہریار خان آفریدی ہسپتال انتظامیہ ءِ ٹھپی تے گچین آسراتی فراوان کننگ نا پارت کرسا پارے کہ الس نا جان و مال انا رکھ ءِ پک کننگک و کانود نافذ کروک آ ادارہ و الس نا کمک اٹ مزور و کودک بندغ آتے شست کروک آتے زوت آن زوت اوفتے اوفتا کروک نا سزاتننگک۔
