اسلام آباد۔ 15 اکتوبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ بطور جمہوری حکومت وپارٹی، اپوزیشن ءِ فیملی لمیٹڈ کمپنی کرپشن نا بچفنگ کن جناح اسٹیڈیم اٹ مخلوق ءِ یکجا کننگ نا باقاعدہ موکل تسنے۔ الس ءِ تنک کننگ کن روڈ آتیا اسُل جلسہ کننگ نا موکل تفننگک۔ نن ہم مستین اسٹیڈیم نا تہہ ٹی جلسہ کرین، وخت اس ہم الس ءِ تنک کننگ نا سیاست کتون، اپوزیشن آن ہم ہنداوڑ ءُ اومیت اس تخنہ۔ پنچ شنبے نادے آ تینا ویڈیو کلہو اٹی بنجائی وزیر حوالکاری و شینکاری سینیٹر شبلی فراز پارینے کہ فیملی لمیٹڈ کمپنی کرپشن نا بچفنگ کن ہرامخلوق ءِ یکجا کننگ ءِ داڑکن بطور جمہوری حکومت و پارٹی اپوزیشن ءِ جلسہ کننگ نا موکل تسنے، اپوزیشن ءِ چیلنج کینہ کہ او جناح اسٹیڈیم ءِ پُر کے، اگہ الس ءِ تنک کننگ کن روڈ آتیا جلسہ کریر تو اوفتے دانا اسُل موکل تفنہ، نن ہم اسٹیڈیم اٹ جلسہ کرینن ولے وخت اس ہم الس ءِ تنک کننگ نا سیاست کتنون، نن ہندا خوانہ کہ اپوزیشن ہم اسٹیڈیم نا تہہ ٹی جلسہ کے و کوویڈ۔ 19 آن بچنگ کن غٹ ایس او پی تیا عمل کیر۔ اوپارے کہ اپوزیشن نا اسہ ایجنڈا سے کہ کرپشن آن ہرا مال ءِ جوڑ کرینو اوفتے بچفنگ کن الس ءِ داوڑنا چاگڑد اسے ٹی دِکہ تننگ ءُ اوفتے ہچ ءُ رسینگپک نئے حکومت کس انا دباؤ ٹی بریک۔
