اسلام آباد۔ 15 اکتوبر (اے پی پی) بنجائی وزیر اقتصادی امور مخدوم خسرو بختیار پارینے کہ برطانیہ نا شونداری کمکاری نا دنگ سیل سوات، تعلیمی وظیفہ و اڑزآن ہند آتا تفنگ اسکان تالان مرے۔ اوداہیت ءِ یوکے فارن وکامن ویلتھ ڈویلپمنٹ آفس نا رپورٹ فولیو جاچ دیوان نا کماشی ءِ کرساپارے۔ دیوان اٹی پاکستان اٹ برطانیہ نا کمک اٹ جاری کروک ڈٹ آتا سرجم جاچ ءِ ہلنگا۔ بنجائی وزیر پارے کہ پاکستان و برطانیہ نا نیام اٹ گچین تعلقداری جوڑ ءِ۔ برطانیہ کیہی بشخ آتیٹی پاکستان تون خڑکی کمک کننگ ءِ۔ پاکستان اٹ داوخت آ برطانیہ نا فورٹ پولیو نا کچ 1.02ارب پاؤنڈ ءِ۔ اوکورونا نا دین اتون مون تننگ کن برطانیہ نا کنڈآن 2.6 ملین پاؤنڈ و انسداد ملخ آتیکن 2 ملین پاؤنڈ نا گرانٹ ءِ ستاکڑزوک گوندسا پارے کہ ہڑتوم آ ملک آتا نیام اٹ تعلقداری و کمکاری نا چرجوئی آخبت اٹ ہم برجاسلے۔ اوپارے کہ جاچ دیوان نا مسخت ڈٹ آتا فائدہ ءِ الس اسکان سرکننگ نا ءِ۔ آف بجٹ پورٹ فولیو کن ڈویلپمنٹ پالیسی فریم ورک اس جوڑ کننگ انگ ءِ۔ بنجائی وزیر پارے کہ یوکے ڈویلپمنٹ کمکاری نا دنگ ءِ سیل وسوات، اسکالر شپ و، کم خڑچ اُراتسکان ودفنگ خوانہ۔
