اسلام آباد۔15اکتوبر (اے پی پی): حال ءُ اھیوال کاری ءُ شنگکاری ءِ بنجاہی وزیر سینیٹر شبلی فراز ءَ گشتگ کہ ما پہ جمہوری حکومت ءُ پارٹی، اپوزیشن ءَ را لیمٹیڈ کمپنی کرپشن ءِ رکینگ ءِ ھاترءَ جناح سٹیڈیم ءَ مُچی کنگ ءِ اجازت داتگ، اُلس ءَ را تنگ کنگ ءِ ھاترءَ دگانی سرءَ ایچ وڑیں جلسہ ءُ مُچی کنگ ءِ اجازت دیئگ نہ بیت، ما ہم گوست ءَ سٹیڈیم ءِ تہ ءَ جلسہ کتگ بوتگ، بلے کدی ہم اُلس ءَ را تنگ کنگ ءِسیاست ناکتگ، گوں اپوزیشن ءَ ہم ہمیں اُمیت ءَ کناں۔ پنچ شمبے ءِروچءَ وتی ویڈیو کلوہ ءَ بنجاہی وزیر سینیٹر شبلی فراز ءَ گشتگ کہ فیملی لمیٹڈ کمپنی کرپشن ءِ رکینگ ءِ ھاترءَ مُچی مُچ کنگ ءَ اِنت، ما آئی ءَ را اجازت داتگ، اپوزیشن ءَ را چیلنج کناں کہ آ جناح سٹیڈیم ءَ را پُر بہ کنت، اگاں اُلس ءَ را تنگ کنگ ءِ ھاترءَ دگانی سرءَ جلسہ کنگ بوت گڑا اے گپ ءِ اجازت دیئگ نہ بیت۔ ما ہم سٹیڈیم ءَ جلسہ کتگ بلے اُلس ءَ را تنگ کنگ ءِ سیاست ناکتگ، ما ہم ہمیں لوٹاں کہ اپوزیشن ہم سٹیڈیم ءِ تہ ءَ جلسہ بہ کنت ءُ کوویڈ۔19 ءَ چہ رکینگ ءِ ھاترءَ دراہیں ایس او پیز آنی سرءَ عمل کنگ بہ بیت۔ آئی ءَ گشتگ کہ اپوزیشن ءِ یکیں ایجنڈہ اِنت کہ کرپشن ءَ چہ مال جوڑ کنگ بوتگ آیاں رکینگ ءِھاترءَ اُلس ءَرا آس ءِ تہ ءَ دور دیئگ بوہگ ءَ اِنت ، آیانی دستءَ ایچ نااِت ءُ نا حکومت کسے ءِناجائزیں گپاں زوریت۔
