اسلام آباد۔15اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ امریکی ناظم الامور مس انجیلا ایجلر ءَ گوں گند ءُ نند کت ایشی ءِ تہ ءَ آئی ءَ جتا جتائیں کار آنی سر ءَ ھیال ریچی کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ اے موہ ءِ سر ءَ گوشت کہ امریکی کمپنی آناں پاکستان ءَ جتا جتائیں شوبگ آنی تہ ءَ سرمایہ کاری ءَ را وش اتک کت۔ پاکستان امریکہ ءِ گوما وتی یکوئی آناں سک باز ارزشت ءِ گوما چار ایت۔ امریکی ناظم الامور ءَ کوویڈ 19 چیلنج ءَ گوں گر ءُ چیل بوھگ ءِ واستہ پاکستان ءِ توسیپ کت۔ بنجاھی وزیر اھوالکاری ءُ شنگ کاری سینیٹر فراز ءَ گوشت کہ ایس او پیز ءُ رکھینگی رھبند آنی واستہ گامگیج جاڑی دار آں تانکہ ھوپ ءِ گر ءُ دار ءَ چہ رکھگ بہ بیت۔ مزن وزیر عمران خان ءِ روزگار ءِ گوما بنی آدمی زندمان ءِ رکھینگ ءِ وشن کوویڈ 19 ءِ جیڈھ ءِ گر ءُ دار ءِ تہ ءَ کمکار سہرا بیت۔ گند ءُ نند ءَ دوئیں سروک آں اے گپ ءِ سر ءَ تپاک کت کہ کورونا ءِ ساھت ءَ وت مہ وتی یکوئی آنی کار رپک آماچ بوتگ انت ڈیجیٹل کمیونیکشن آناں دیمروئی رستگ۔ بنجاھی وزیر سینیٹر شبلی فراز ءَ گوشت کہ ڈیجیٹل اھوالکاری نظام ، وانگ ءُ زانگی نظام ءِ پجاری ءَ کمکار سہرا بوتگ ءُ ایشی ءِ گوما ھمک روچی چست ءُ ایر آناں جاڑی دارگ ھم کمکار سہرا بوتگ۔ آئی ءَ گوشت کہ حکومت اھوالکار آنی واستہ جرنلسٹ پروٹیکشن بل ءِ سر ءَ کار کنگ ءَ انت، اے بل میڈیا ءِ آزاتی ءَ را گیش دیمروئی دنت، اھوالکار آنی رکھینگ ءُ گہبود ءَ را دل یکیمی کنگ ءِ واستہ ضلوری انت۔ آئی ءَ گوشت کہ ما لوٹاں کہ مئے میڈیا مٹ بوھوکیں زمانگ ءِ لوٹ آنی رد ءَ ھمگام بہ بیت، ما پاکستان ءَ مشہوریں میاں اوستمانی میڈیا ءَ را وش اتک کناں، حکومت سیل ءُ سواد ءِ شوبگ ءِ دیمروئی ءَ واھشت ایگ انت چیا کہ ایشی ءَ چہ نا ایوک ءَ مئے دود ءُ ربیدگ ءِ دیمروئی ءَ را کمک رسیت بلکینگ ءَ جتا جتائیں ملک آنی دود ءُ ربیدگ ءُ روایات ءَ را پھمگ ءِ موہ رسیت۔ دوئیں سروک آں ڈیجیٹل لٹریسی ءِ دیمروئی ءِ ھوالگ ءَ ھیال ریچی کت۔ گند ءُ نند ءَ سیکرٹری اھوالکاری اکبر درانی ءُ وزارت ءِ اھوالکاری ءِ ٹوھ ٹوھیں کارندہ شریک اتنت۔
