مزن وزیر عمران خان ءِ سروکی ءَ راجی رابطہ کمیٹی برائ ہائوسنگ ، کنسٹرکشن ءُ ڈویلپمنٹ ءِ ھمک ھپتگیں دیوان

اسلام آباد۔15اکتوبر (اے پی پی): مزن وزیر عمران خان ءِ سروکی ءَ راجی رابطہ کمیٹی برائے ہائوسنگ ، کنسٹرکشن ءُ ڈویلپمنٹ ءِ ھمک ھپتگی دیوان برجم دارگ بوت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ تہ ءَ گوشگ بوت کہ چیئرمین ایف بی آر ءَ آن لائن رجسٹریشن سسٹم ءُ سرپدی سیمینار ءِ ھوالگ ءَ بریفنگ دات۔ دیوان ءَ را گوشگ بوت کہ کراچی، لاہور ءُ اسلام آباد ءَ سرپدی سیمینار برجم دارگ بوتگ۔ کنسٹرکشن شوبگ ءَ گوں بندوکیں 112 مردم ءُ کمپنی ایف بی آر ءِ گوما رجسٹر بوتگ انت، اے 123 منصوبگ آنی سر ءَ کار کنت انت۔ چیف سیکرٹری سندھ ءَ دیوان ءَ را گوشت کہ سرمایہ کار آنی واستہ ون ونڈو پورٹل کار کنگ ءَ انت ایشی ءِ چیر دستی ءَ سندھ ءَ 19 منصوبگ آنی منظوری دیگ بوتگ، 75 منصوبگ آنی واستہ این او سی جاڑی کنگ بوتگ۔ منصوبگ نگرانی ءِ واستہ کمیٹی نوٹیفائی کنگ بوتگ ایشی ءِ تہ ءَ پرائیویٹ سیکٹر ءِ نماھندگ ھم ھوار انت۔ چیف سیکرٹری خیبر پختونخوا ءَ دیوان ءَ را گوشت کہ صوبگ ءِ ہائوسنگ ءُ کنسٹرکشن ءِ منصوبگ آنی کلی سرمایہ کاری 83 بلین کلدار ءَ تاں پج اتگ ءُ سیمنٹ، ھشت ءُ سریا ءِ بھا ءُ سیم ءَ تہ ءَ باز گیشی اتکگ۔ گورنر اسٹیٹ بینک ءَ گوشت کہ آسانیں کست آنی ھوالگ ءَ توامیں پرائیویٹ بینک آنی گوما شور ءُ مشور ءِ کار سرجم کنگ بوتگ ۔ مزن وزیر ءَ پنت ءُ شون کت کہ اجازت نامہ پجاری کنگ ءِ کار ساپ ءُ سلہ ئی ، آسانی ءُ لُکوکیں ساھت ءَ کنگ بہ بیت تانکہ سرمایہ کار آناں آسانی بہ بیت۔