پاکستان نا اقوام متحدہ نا انسانی حق کونسل نا باسک گچین مننگ بھلو سفارتی سرسہبی اس، جہانی برادری نا پاکستان آ ودوک آ پت انا درشانی ءِ، بنجائی وزیر حوالکاری و شینکاری سینیٹر شبلی فراز

اسلام آباد۔ 14 اکتوبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ پاکستان نا بروک آ مسنہ سال اکن اقوام متحدہ نا انسانی حق کونسل نا باسک گچین مننگ شرفمندی و بھلو سفارتی سرسہبی اسے، دا اہم فورم نا رکنیت جہانی برادری نا پاکستان آ ودوک آ پت انا درشانی ءِ ۔ چارشنبے نادے آ تینا ٹویٹ اٹی سینیٹر شبلی فراز پارے کہ دا پیدوار شاہدی ءِ کہ دنیا پاکستان ءِ انسانی حق انا رکھ انا داعی و پاسدار سرپند کیک۔