اسلام آباد۔ 14 اکتوبر (اے پی پی) بنجائی وزیر توانائی عمرایوب خان تون پاکستان اٹی عرب جمہوریہ مصر انا سفیر طارق محمد حسین اوڑدہی کرے۔ اوڑدہی ٹی ہڑتوم آ کڑدہ غاک قابل تجدید توانائی ڈٹ آتیٹی کاروباری وارخواہی تا پٹنگ و پاکستان نا توانائی نا بشخ اٹی کمکاری آ گپ وتران کریر۔ بنجائی وزیر پاکستان نا انرجی سیکٹر، پوسکن آ گیگ بدل توانائی پالیسی و ملک انا توانائی نا بشخ اٹی اصلاحات کن حکومت نا کنڈآن کروک آ کوشست آتا اسہ جاچ اس پیش کرے۔ عمرایوب گرین انرجی نا بابت پاکستان نا عزم ءِ ہم پک کرے و پارے کہ بروک آ پنچ سال اٹی 10 درسد اسکان ہائیڈل و نیشنل گریڈ اٹی قابل تجدید ذریعہ غان بجلی ودی کرسا پاکستان نا انرجی مکس کو اٹی شاغنگک۔ اوقابل تجدید توانائی نا دوئی کننگ ءِ 2025اسکان 20 درسد و 2030ء اسکان 30 درسد 2030اسکان ودکی نا بارواٹ معلومدار کرے۔ پاور سیکٹر اٹی زرکاری نا گمان تا وضاحت ءِ کرسا، وزیر پارے کہ حکومت پاش آن پاش وشفاف مسابقتی بولی نا عمل نا کمک اٹ قابل تجدید توانائی آ مبنی پاور پلانٹس خلیک۔ سفیر توانائی نا بشخ اٹی پاکستان و مصر انا نیام اٹ جی ٹو جی نا بنداو آ تین پہ تینی کمکاری ءِ بجلی نا پیداوار، ٹرانسمیشن و قابل تجدید توانائی ڈٹ آتیٹی است خواہی نا درشانی ءِ کرے۔ سفیر اومیت ظاہر کرے کہ ہڑتوم آ ملک آتا نیام اٹ زرگزرانی تعلقداری تے پین مون آ دننگ کن توانائی نا بشخ اٹ کمک ودی کینہ۔
