کوئٹہ۔ 14 اکتوبر (اے پی پی) وزیراعلیٰ بلوچستان جام کمال خان سمنگلی روڈ کوئٹہ آ دستی بمب جلہو نا ترندی اٹ مذمت ءِ کرسا تعلقدار کمامدار آتیان واقعہ نارپورٹ ءِ دمدستی وڑاٹ بٹنگا۔ وزیراعلیٰ بلوچستان پارے کہ بے گناہ بندغ آتے شست کروک آک ہچ ءُ رعایت اسے نا حقدار افس۔ اودستی بمب جلہو اٹی ٹھپی مروک آتے درمان نا گچین آسراتی فراوان کننگے و پولیس و ضلعی انتظامیہ دہشت گردی نا دا لغوری کارروائی ٹی اوار زموار آتے دمدستی کانود نا گرفت اٹ اتیر، وزیراعلیٰ بلوچستان ٹھپی تا زوت دراخ جوڑی کن دعا کرے۔
