اسلام آباد۔ 14 اکتوبر (اے پی پی) پاکستان و برطانیہ نا نیام اٹ سلہہ غاتا کنٹرول، بے تالانی و سلہہ غاتا چٹفنگ نا بابت تین پہ تینی سلابت نا پنچ میکو مرحلہ اڈ ہلک۔ چارشنبے نادے آ ترجمان دفتر خارجہ نا رداٹ محمد کامران اختر، ڈائریکٹر جنرل (اسلحہ کنٹرول و اسلحہ) وزارت خارجہ و سامانتھا جاب(ڈائریکٹر دفاع و جہانی رکھ) درملکی، دولت مشترکہ و شونداری باندات برطانیہ، تینا تینا ملک آتا ڈل آتا کماشی ءِ کریر۔ ہڑتوم آ کڑدہ غاک سلہہ غاتا کنٹرول، بے تالانی و سلہہ غاتا چٹفنگ نا بابت باندات آتیا خوشگوار و تعمیری چاگڑد اٹ گپ وتران کریر۔ جہانی و علاقائی سلامتی و سوگوی نا بابت باندات آتیا شرہ کریر۔ ہڑتوم آ کڑدہ غاک کثیر الجہتی بشخ آتیٹی پین ہم آہنگی ءِ ودفنگ نا عزم انا درشانی ءِ کریر۔ کڑدہ غاک پاکستان و برطانیہ نا نیام اٹ سلہہ غاتا کنٹرول، بے تالانی و سلہہ غاتا چٹفنگ نا بابت سلابت نا چرجوئی نا ستاءِ کریر۔ کڑدہ غاک بروک آ سال سلابت نا شش میکو دور ءِ اڈتننگ آ امنا کریر۔

متعلقہ مضامینمصنف کی طرف سے مزید