اسلام آباد۔ 30 ستمبر (اے پی پی) وزیر خارجہ مخدوم شاہ محمود قریشی پارینے کہ پاکستان تون اوار مچ آ دنیا ٹی انسانی حق انا تنظیمک ایمنسٹی انٹرنیشنل تون روا تخوک آ بھارتی رویہ نا برخلاف توار بڑزکیر، اینو بھارت نا اصل دروشم پاش مسنے۔ چارشنبے نادے آ تینا اسہ بیان اسے ٹی وزیر خارجہ پارے کہ ہندوستان اٹ اقلیت آتون، خاص وڑاٹ مسلمان تتون ہراسلوک ءِ کننگ انگ ءِ اوڑآ ننے بھاز گڑتی ءِ۔ بھارت تینا غیرکانودی کوزہ گیری ٹی جموں و کشمیر اٹ ہراوڑ انسانی حق آتا لتاڑنگ ءِ برجاتخانے او اسہ است ہسون ءُ داستان اسے ہرادے بھارت اودیم تخنگ خواہسکہ۔ ایمنیسٹی انٹرنیشنل ہراتم بھارت نا کنڈآن انسانی حق انا بھلا خلاف ورزی تے مون آ اتنگ خواہس تو اودے داخہ در بیوس کننگاکہ اودے بھارت اٹ تینا دفترآتے بند کروئی تما۔ اونا اکاؤنٹ آتے منجمد کننگا۔ پاکستان تون اوار مچ آ دنیا ٹی اخس انساںی حق انا تنظیمک ءُ اوفک دا بھارتی رویہ نا برخلاف توار بڑزکیر۔ اینو بھارت نا اصل دروشم پاش مسنے۔ اوپارے کہ جمہوریت اٹ اقلیت آتون ہموناروا سلوک ءِ کننگپک ہرا بھارت تینا ملک اٹ اقلیت، خاص کر مسلمان تتون کننگ ءِ۔
