اسلام آباد۔ 10مئی (اے پی پی) ریاستوں و سیمی علاقہ جات (سیفران ) نا بنجائی وزیر لیفٹیننٹ جنرل (ر) عبدالقادر بلوچ پارینے کہ حکومت احتساب نا آڑاٹی جمہوریت نا برخلاف ہچ وڑنا سازش اسے سگیپک۔ سے شنبے آ اسہ نجی ٹی وی چینل اسیتون ہیت و گپ کریسہ اوپارے کہ حزب اختلاف نا جماعت آتے جمہوری روایت آتا دنگ انا تہہ ٹی سلیسہ تینا خواست آتے پیش کروئی مرے۔ وزیر پارے کہ ننا خیال اٹی حزب اختلاف تون کمیشن نا ٹرمز آف ریفرنس (ٹی اوآرز) نا ویل آ ہم مذاکرات بایدے مرے۔ بنجائی وزیر پارے کہ نن خوانہ کہ کڑزآتا معافی تون اوار غٹ کیس آتا ہم جاست و پاست ئِ کروئی مرے۔ وزیراعظم محمد نواز شریف تینے احتساب کن مست آن پیش کرینے واہم اونا باوجود حزب اختلاف صرف وزیراعظم ئِ ہی تینا ہدف جوڑ کننگ ئِ۔

متعلقہ مضامینمصنف کی طرف سے مزید