کوئٹہ۔ 10مئی (اے پی پی) صوبائی اسمبلی نا باسک میر غلام دستگیر بادینی پارینے کہ الس نا زند اناآب ئِ گچین جوڑ کننگ کن غٹ وسیلہ غاتے کاریم اٹ اتینہ، نوشکی شار و ایب و کیب اٹی شونداری کاریم تا جال اس شاغانن۔ نوشکی نا ویل آتیان کنے جوانی اٹ سمائِ ، اوفتے ہڑدڑی بنداو تیا ایسر کننگ نا ہروڑنا گام گیج کیوہ، نوشکی ٹی شونداری کاریم تے ٹی تعلیم ، جان جوڑی ، آبنوشی و روڈ آتا پکا کننگ نا ڈٹ آک اوارو ہرافتا پوروی آن نوشکی نا تقدیر بدلینگک ، اقتدار آن زیات السی مفادات آک دوست ئُ ، الس ئِ پسماندہ تخنگ وخت گدرینگانے، الس نا ویل آتے اوفتا درگہ غا ایسر کننگ ننامشن ئِ۔ داہیت ئِ او ”اے پی پی“ تون ہیت و گپ کریسہ پارے، باسک صوبائی اسمبلی میر غلام دستگیر بادینی پارے کہ نن زیات اجتماعی کاریم تے اولیت تسونن بے روزگار ورناتے روزگار تننگ نا گام گیج آک جاری ئُ بے پرخ و بے رنگ و نسل الس نا خذمت آ باور کینہ نوشکی ناشون شونہالی کن ہر فلور آتوار چست کیوہ، اوپارے کہ علاقہ نا الس نا بے پرخ خذمت ئِ کیوہ، علاقہ ٹی بجلی ، جان جوڑی و ہر بشخ اٹی گچینی کنا اولیت آتیٹی اوارے مر مر انا علاقہ غاتا ویل آتیان کنے جوانی اٹ سمائِ ، الس نا حق اکن توار چست کریسہ کیوہ، اوپارے کہ ورناک ننا سرمایہ غاک ئُ اوفتا گچین آخبت کن گام گیج کینہ۔ الس ویل آتا پیدواری ئِ کیر و اوفتے ایسر کننگ کن سلاہ ایتر۔
