اسلام آباد۔ 10مئی (اے پی پی) بنجائی وزیر اطلاعات و نشریات سینیٹر پرویز رشید پارینے کہ وزیراعظم محمد نواز شریف کیہی وار داایوان نا باسک سلیسنے ، او دا ایوان اٹی مست ہم ہیت کرینے، داساہم کیک، اپوزیشن نا کنڈآن چست کروک آ سوج آتیا وزیراعظم جمعہ غا ایوان اٹی ورندی ئِ ایتک۔ سے شنبے آ قومی اسمبلی نا دیوان نا وخت آ بنجائی وزیر اطلاعات و نشریات پرویز رشید پارے کہ قائد حزب اختلاف پارلیمنٹ نا چاگڑدئِ گچین جوڑ کننگ نا کوشست کرینے ہراڑکن نن اونا منت وار اُن۔ وزیراعظم کیہی وار دا ایوان نا باسک سلیسنے او مست ہم بریسہ کرینے۔ اودے داڑے ہیت کریسہ خوشی مریک و ہیت آتے خف توریسہ ہم او خوش مریک۔ اوپارے کہ اپوزیشن نا خواست آ کمیشن اس جوڑ کننگ کن چھٹی اس نوشتہ کننگانے و ہڑتوم آ کنڈآتا ٹی او آرز آ اواری اٹ تولیسہ ہیت کننگ نا ہیت کننگا۔ وزیراعظم خواہک کہ او تینا سچائی ئِ کمیشن نا مون آ پیش کے ولے دروآن اپوزیشن کمیشن نا ہیت ئِ کم کریسہ وزیراعظم نا ایوان اٹی بننگ آ زورتننگ نا بنائِ کرینے۔ وزیراعظم اینو قومی سلامتی نا بابت دیوان اٹی ہنوئی ئِ۔ چارشنبے آاودے تاجکستان آ ہنوئی ئِ۔ جمعہ والا دے وزیراعظم ایوان اٹی بریسہ چست کروک آ سوج آتا ورندی ئِ ایتک۔ اپوزیشن ئِ داوضاحت آن گڈ واک آﺅٹ نا فیصلہ ئِ بایدے پدی ہلے۔ قائد حزب اختلاف سید خورشید احمد شاہ پارے کہ جمعہ غا ہی اپوزیشن ایوان اٹی بریک۔ اوکان گڈ اپوزیشن نا باسک آک ایوان آن واک آﺅٹ کریر۔
