اسلام آباد۔ 9مئی ( اے پی پی) امریکہ ئَ پاکستان ئِ سفیر جلیل عباس جیلانی ئَ امریکہ ئَ ھستیں پاکستانی ڈاکٹر آں گشتگ کہ آ ماتیں وطن ئِ دیمروی ئَ وتی کرد پیش بہ دار انت ئُُ امریکہ ئَ ھستیں پاکستانی ڈاکٹر آنی تنظیم کنونشن ئَ ترانئَ آئی ئَ گشتگ کہ امریکہ ئَ ھستیں پاکستانی نژاد ڈاکٹر پاک امریکہ سیالداری ئَ شر جوڑ کنگ ئَ ہم کرد پیش بہ دار انت ۔ آئی ئَ دیوان ئِ شریدار آں حکومت پاکستان ئِ نیمگ ئَ سمندر پار پاکستانی آنی فلاح ئُُ بہبود ئِ ھاتر ئَ گام گیج ئَ ہم آگاہ کرتگ ۔ آئی ئَ گشتگ کہ ورنا ھاس کن ادا چاگردی، اقتصادی ئُُ سیاسی سر گرمی آں شریں شمولیت کرت انت۔ امریکہ ئَ پاکستانی سفارت خانہ اے سلسلہ ئَ آھاں شریں وڑ ئَ کمک بہ کنت۔ آئی ئَ جار جتگ گشتگ کہ امریکہ ئَ ھستیں پاکستانی آنی تنظیم سی پی اے سی ئِ سیمی سالانہ کنونشن ئِ میزبانی پاکستانی سفارتخانہ کنت۔ نیویارک ، شکا گو، لاس اینجلس ئُُ پیوٹن ئَ ہم انچیں دیوان اڈ دئیگ بیت۔ پدا ٹاﺅن ہال ئَ یک دِگہ دیوان ئَ تران کنگ ئَ پاکستانی سفیر ئَ گشتگ کہ نا شر کار آنی ھلاپ شریں کارروائی ئِ آسر ئَ پاکستان ئَ سیکورٹی جاورال ئَ شری آتگ چوشکہ چین پاکستان اقتصادی راہداری منصوبہ ئَ اقتصادی جاورال ئَ شر ی آرگ ئَ انت۔ دیوان ئَ وتی صدر ناصر قریشی ئَ ہم تران کرتگ۔
