نیب بلوچستان نا کارروائی، مسکوہی پبلک سروس کمیشن بلوچستان نا چیئرمین اشرف مگسی اِرا ڈپٹی ڈائریکٹر آتون اوار دزگیر، سرکاری ذرائع

کوئٹہ۔ 09مئی (اے پی پی) نیب بلوچستان کارروائی کرسا مسکوہی پبلک سروس کمیشن بلوچستان نا چیئرمین اشرف مگسی ئِ اِرا ڈپٹی ڈائریکٹر آتون اوار دزگیر کرے ۔ سرکاری ذرائع نا رداٹ دوشنبے نا دے نیب بلوچستان کارروائی کرسا مسکوہی چیئرمین بلوچستان پبلک سروس کمیشن اشرف مگسی وخت اس کہ ڈپٹی ڈائریکٹر نیاز محمد و ڈپٹی ڈائریکٹر عبدالوحید ئِ دزگیر کرسا جاست و پاست نا بنائِ کرے۔ دوبہ دار آتیا واک آتا غلط کاریم اٹ اتنگم، کروڑ آ روپئی تا کرپشن و وخت اس کہ اِرا مار و اسہ مسڑ اسیتون اوار کیہی نابود بندغ آتے بھرتی کننگ نا دوبہ ئس دوبہ دار مدت نا وخت آ کروڑ آ روپئی تے مچ کرے، نیب بلوچستان کرپٹ عنصر آتا برخلاف کارروائی تے ترند کرینے۔