APP48-06

راولپنڈی۔ 06مئی (اے پی پی) چیف آف آرمی اسٹاف جنرل راحیل شریف پارینے کہ جنگی ٹیکنالوجی چائے اخہ در پوسکن مرے سپاہی نا جسمانی و حربی تربیت نا اہمیت کم مننگ کپک۔ او جمعہ آ ایوب اسٹیڈیم لاہور اٹی پاک فوج انا جسمانی و حربی تربیت نا مقابلہ غاتا دود آن تران کریکہ۔ پاک فوج انا شعبہ تعلقات عامہ(آئی ایس پی آر) نا رداٹ آرمی چیف جنرل راحیل شریف شریک مروک آتا تربیت نا معیار نا ستائِ کرے۔ جنرل راحیل شریف دود آن تران کرسا پارے کہ سپاہی نا تربیت اٹی جسمانی تربیت ہم تینا جاگہ اہمیت تخک۔ حربی و جسمانی مقابلہ غاتے ٹی پاک فوج انا 275بشخ ہلکر۔ مقابلہ پوسکن آ سائنسی اصول آتے مون آ تخسا تیار کننگاسس۔ آرمی چیف مقابلہ غاتے ٹی بشخ ہلوک آتے ٹی انعام ہم بشخ و پانٹ کرے۔ نائیک محمد اویس اِرامیل نا فاصلہ ئِ دہ ٹک اسہ منٹ اٹ طے کرسا اولیکو پوزیشن ئِ ہلک۔ سپاہی فاروق حربی کارکڑد نا مقابلہ ئِ 59سکینڈ اٹی پورو کرسا اولیکو پوزیشن ئِ ہلک وخت اس کہ گنزاشفاق حسین 56پل اپ کشسا اولیکو پوزیشن ئِ ہلک۔ ہنداوڑ سپاہی نوید الحسن 30منٹس اٹی 1948سٹ اپ کشسا اولیکو پوزیشن ئِ ہلک۔ سپاہی اکرام سی منٹ اٹی 1705پش اپ کشا۔ راولپنڈی کورٹیم پی اے سی ای ایس چیمپیئن شپ وخت اس کہ کراچی کور ارٹ میکو پوزیشن ئِ ہلک۔