کوئٹہ۔ 06مئی (اے پی پی) صوبائی سلاہکار اطلاعات سردار رضامحمد بڑیچ پارینے کہ صوبہ ٹی امن وایمنی نا حالیت آتے برقرارتخنگ کن ساڑی آ حکومت سنجیدہ کوشست کننگ ئِ۔ ساڑی آ مخلوط صوبائی حکومت الس نا خذمت آ یخین تخک الس نا زند انا آب ئِ بڑز کننگ و آسراتی تا فراوانی نا بابت پبی گام گیج کننگانے ہرانا مثبت گچین نتیجہ مون آ بننگ ئِ۔ داخیال آتا درشانی ئِ او صحافی تتون ہیت وگپ کرسا کرے۔ اوپارے کہ نن صرف داوا تا حداسکان محدود افن بلکن الس نا حقی خذمت کن کوشست کننگ اُن ہرانا پیدوار آ شاہدی علاقہ ٹی شونداری کاریمک ئُ۔ نن حلقہ نا خلقت آتیا احسان کپننگ اُن شون و شونہالی اوفتا بنداوی حق ئِ۔ صوبہ ٹی امن و ایمنی نا اڈتننگ نا بابت اوپارے کہ امن و ایمنی نا حالیت آتے برقرارتخنگ کن ساڑی آ حکومت سنجیدہ کوشست کننگ ئِ ہرانا سوب حالیت آتے ٹی نمان گچینی بسنے داسا بندغ آک بے خوف و خلیس قومی روڈآتیا سفر کننگ ئُ۔ صوبائی سلاہکار اطلاعات سردار رضامحمد بڑیچ پارے کہ حلقہ نا الس نا کمک آن جتاوڑانا شونداری ڈٹ آتیا کاریم جاری ئِ ہرافتا پوروی آن یقینا لس بندغ ئِ ریلیف ملک۔ اوپارے کہ مچ آ صوبہ ٹی کیہی شونداری ڈٹ آتیا ترندی اٹ کاریم جاری ئِ ہرافتا پوروی آن بلوچستان اٹی شونہالی بریک۔ صوبہ ٹی امن و ایمنی نا اڈتننگ نا بابت آن اوپارے کہ امن و ایمنی نا حالیت آتے برقرارتخنگ کن ساڑی آ حکومت سنجیدہ کوشست کننگئِ۔
