اسلام آباد۔ 5مئی ( اے پی پی) بنجاہی وزیر خزانہ سینیٹر اسحاق ڈار ئَ گشتگ انتکہ ایشیا ئَ اقتصادی دیمروی ئِ مزنیں امیت ات انت۔ درستیں خطہ ئَ انفراسٹرکچر ئِ دیمروی ئِ منصوبہ ئَ سرمایہ کاری ئَ اے خطہ دگنیا ئِ دومی دیمروی کنوک دمگ آں بروبر کیت۔ آ ایشیائی دیمروی بینک ئِ بورڈ آف گورنر ئِ سالانہ دیوان ئِ موہ ئَ یک برزیں پڑی مباحثہ ئَ ھیال آنی درشانی کنگ ئَ ات ایشیا ئِ اقتصادی چار ئُُ تپاس ئِ باروا اے مباحثہ ئِ بند ئُُ بست سی این بی سی ئَ کرتگ ات۔ مباحثہ ئَ بھارتی وزیر خزانہ ارون جیٹلے، انڈونیشیا ئِ وزیر خزانہ بمبانگ براڈ جونیگرو، ایشیائی دیمروی بینک ئِ صدر ئُُ کامرس بینک جرمنی ئِ دمگی سروک ئَ ہم بہر زرتگ۔ اے مباحثہ ئَ دگنیا ئَ سی این بی سی ئِ سرا براہ راست شنگ کرتگ۔ اے موہ ئَ یک جست ئِ پسو ئَ بنجاہی وزیر خزانہ اسحاق ڈار ئَ ملکی معیشت ئِ بحالی ئِ ھاتر ئَ ھستیں حکومت ئِ نیمگ ئَ گوستگی سے سال آنی وھد ئَ کرتگیں گام گیج ئِ گپ کنگ ئَ گشتگ کہ پاکستان ئَ معاشی محکمی گپتگ انت۔
