اسلام آباد۔ 11جنوری (اے پی پی) وزیر مملکت کیڈ ڈاکٹر طارق فضل چوہدری پارینے کہ اسلام آباد نا تعلیمی ادارہ غاتے مچ آ ملک اکن ماڈل تعلیمی ادارہ اس جوڑ کننگ خوانہ، 2018ءنا پاکستان 2017ءآن گچین مریک، 2013ءآن 2018ءنا تعلیمی ادارہ غاک بھاز جتا مریرہ ، مریم نواز نا جندی است خواہی نا سوب اسکول آتا گچینی کن کاریم نا بنائِ کرے۔ او چارشنبے آ اسلام آباد اٹی وزیراعظم تعلیمی اصلاحات نا بابت دود آن تران کریکہ۔ اوپارے کہ وزیراعظم محمد نواز شریف نا است انا ھب اٹ منت وار اُٹ کہ اواسکول نا چناتے کن بس آتے فراوان کرے ہرانا سوب چناتا دروشم آ خوشی اس تالان ئِ۔ اوپارے کہ اسلام آباد نا اسکول آک بھلو وخت اسے آن ٹرانسپورٹ نا کمتی نا گواچی ئسر ۔ طالب علم آک دارالحکومت نا مضافاتی علاقہ، سہالہ، روات، بارہ کہو، ترنول، سرائے خربوزہ و ایلو مر مر انگا علاقہ غاتیان ہراتم اسکول کن سہب انا 9بجہ غا پیش تمرہ و ٹرانسپورٹ نا آسودہی مفننگ نا سوب چھٹی آن پد انتظار کروئی تمک ۔ اوپارے کہ وزیراعظم ایجوکیشن پروگرام نا رداٹ اسکول آتا طالب علم آتے کن بھلو آسودہی اس فراوان کننگ ئِ۔ اوپارے کہ اسلام آباد نا تعلیمی ادارہ غاک مچ آملک انا تعلیمی ادارہ غاتے کن ماڈل اس جوڑ کننگ خوائک ۔اسکول آتا گچینی کن داکاریم ئِ نن وزیراعظم محمد نواز شریف نا سرپرستی ٹی بنائِ کرینن۔ اسلام آباد نا سرکاری اسکول آک پرائیویٹ اسکول آتیان کم افس۔ سرکاری اسکول آتیٹی استاد آتے جدید ٹریننگ تننگ اُن۔ اوپارے کہ ہراوڑ ننے 2013ءنا پاکستان ملا اینو پاکستان نا ہر شاری گواہ ئِ کہ 2013ءآن 2017ءنا پاکستان گچین ئِ و 2018ءنا پاکستان 2017ءنا پاکستان آن گچین مریک۔ اوپارے کہ الس چائک کہ گڑاس بندغ وزیراعظم نا مون آ ہنوک آ گام تے مون ئِ ہِننگ خواپسہ۔ بس آتا فراوانی نا سوب ہزار آچناک داڑآن فائدہ ہرفیرہ۔ اوپارے کہ مریم نواز نا جندی است خواہی نا سوب اسکول آتا گچینی کن کاریم نا بنائِ کرین۔
