اسلام آباد ۔ 16ستمبر (اے پی پی) مزن وزیر ءِ صلہ کار برائے بیوپار ءُُ ٹیکسٹائل عبدالرزاق داؤدءَ گوشت کہ چینی بیوپارانی ءُُ زرکارانی ڈل 26ءُُ27ستمبر ءَ پاکستان ءِ تروتاب کن انت۔اے تروتاب ءِ ساعت ءَ چینی بیوپاری ڈل ءِ باسک گوں پاکستان ءَ بیوپار ءَ گیش کنگ ءِ ھاترا پاکستانی بیوپاراں ءُُ زرکاراں گوں گند ءُُ نند کن انت۔ ’’اے پی پی‘‘ءِ گوما گپ ءُُ تران کنان ءَ آہاں گوشت کہ ھندی بزنس کمیونٹی ءَ گوں ڈائیلاگ ءِ تہ ھوار بوھگ لوٹیت ءُُ ہمگرنچءِ معاملہانی سرا گپ ءُُ تران بوھگ بنت۔آہاں گوشت کہ بیوپارءَ گیش کنگ ءِ اولی گام انت ءُُ اے وڈ ءَ برآمدات ءِ ٹارگٹ زورگ ءِ کوشست کنیں۔آہاں اے امیت ءِ درشان کت کہ چینی بیوپار ءُُ زرکارھندی برآمد کنوکاں گوں قولبندءَ کن انت،اے چین ءِ دراجیں مارکیٹ ءَ تاں سر بوھگءِ موہ انت۔آہاں گوشت کہ مھکمیں کوشستانی آسر ءَ برآمدات ءِ ٹارگٹ زورگ ءِ کوشست کناںءُُ اقتصادی دیمروئی ءُُ وشھالی ءِ ھاترا ودکیں برآمدات ءِ سرا ھم کار کنیں۔اے مکسد ءِ ھاترا انجینئرنگ، ٹیکسٹائل، کشت ءُُ کشاری ءُُ کیمیائی تک ءَ مینوفیکچرنگ ءِ سرا دلگوشی دیئگ بیت
