وزیر خزانہ الوارز اینڈ مارسل ءِ نمائندگاں گوں گند ءُ نند کتگ، ورلڈ بینک ءِ ضمانت ءِ وسیلگ ءَ 1.5 بلین ڈالر ءِ مالی کمک ءِ گرگ ءِ سر ءَ ھیال ءُ لیکہ

بنکاک۔16اکتوبر  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ ورلڈ بینک گروپ ءِ گارنٹی ءِ وسیلگ ءَ نزیک ءَ 1.5ارب ڈالر ءِ مالی کمک ءِ رسگ ءِ امکانات ءِ سر ءَ چار ءُ تپاسی کتگ۔ وزارت خزانہ ءِ نیمگ ءَ چہ جاڑی بوتگیں بیان ءِ رد ءَ وزیر خزانہ ءَ بنکاک ءَ ورلڈ بینک گروپ ءُ آئی ایم ایف ءِ سالانہ دیوان 2026 ءِ ساھت ءَ الوارز اینڈ مارسل ءِ نمائندگ آنی گوما گند ءُ نند کتگ ایشی ءِ تہ ءَ مالی کمک ءِ گرگ ءِ واستہ ورلڈ بینک ءِ گارنٹی آسراتی آناں کارمرد کنگ ءِ سر ءَ گپ ءُ تران کنگ بوتگ۔ وزیر خزانہ ءَ ورلڈ بینک ءِ پالیسی ءِ سر ءَ بنیات ءِ گارنٹی ءَ را کثیر جہتی سرمایہ کاری گارنٹی ایجنسی (میگا) ءِ گارنٹی آسراتی ءِ گوما یکجا کنگ ءِ تجویز ءَ را وش اتک کت۔ اے گامگیج ءِ مول ءُ مراد مقابلہ ءِ شرح ءَ مالی کمک ءَ را پچ کنگ اِنت، ایشی ءِ تہ ءَ مالی کمک ءِ تہ ءَ 1.5 ارب ڈالر ءِ ٹارگٹ ھوار اِنت، گارنٹی ءِ دستیابی ءُ لین دین ءِ ڈھانچہ ءِ رد ءَ۔ دیوان ءَ ورلڈ بینک ءِ وسیلگ آناں جوانیں رنگ ءَ کارمرد کنگ، بجٹ ءِ کمک ءَ را گارنٹی ءِ گوما یکجا کنگ ءُ سرمایہ کار آنی بھر زوری ءَ را گیش کنگ ءِ امکانات آنی سر ءَ ھم تران کنگ بوت۔ وزیر خزانہ ءَ نوکیں فریم ورک ءِ سر ءَ گپ ءُ تران ءِ تہ ءَ ممکنہ تاخیر ءَ چہ بچگ ءِ واستہ استیں دیمروئی پالیشی آپریشن (ڈی پی او) ءَ را کارمرد کنگ ءِ ضلورت ءِ سر ءَ زور پر دات۔ آئی ءَ وزارت خزانہ، اقتصادی امور ڈویژن، ءُ ورلڈ بینک گروپ ءِ نیام ءَ تعاون ءِ حمایت کت تانکہ پیش کرتگیں فریم ورک ءِ سر ءَ گیش ھیال ءُ لیکہ کنگ ءُ دیمروئی کنگ بہ بیت۔ گند ءُ نند ءَ بجلی ءِ بہر ءُ بانگ ءِ کمپنی آنی نجکاری ءِ ھوالگ ءَ برجاھیں مشاورتی عمل ءِ سر ءَ ھم ھیال ریچی کنگ بوت۔