اسلام آباد۔ 14ستمبر (اے پی پی) قومی اسمبلی نا دیوان ءِ سے شنبے ناسہب اتون 10 بجہ غا بٹنگ انگانے۔ دیوان نا کماشی ءِ اسپیکر قومی اسمبلی اسد قیصر کیک۔ الیکشن 2018 ء ٹی گچین مروک آ قومی اسمبلی نا دا اولیکو سیشن مریک اوکان پد پارلیمان سال انا باقاعدہ بناء مریک۔ دیوان اٹی اہم قومی معاملہ غاتون اوار ایوان نا ہردے ئی کارروائی تے چٹفنگک۔ یات سلے کہ قومی اسمبلی نا اولیکو سیشن نا بنا آ ساڑی آ پوسکن گچین مروک آ حکومت نا کنڈآن اہم گام گیج آتا اومیت کننگ انگ ءِ۔ گڑاس حکومتی سرکڑدہ غاتا کنڈآن اہم قومی فیصلہ غاتا قومی اسمبلی آن منظوری نا عندیہ ہم ظاہر کننگانے ہنداخاطرآن انتقال اقتدار نا غٹ مرحلہ غاک پورو مننگ آن پد ساڑی آ سیشن ءِ سیاسی مبصرآتا کنڈآن بے کچ اہم گوندنگ انگ ءِ۔
