اسلام آباد۔ 13ستمبر (اے پی پی) وزیراعظم نا سلاہکار موسمیاتی بدلی ملک امین اسلم تون آئی سی آئی ایم او ڈی، انٹر گورنمنٹ ادارہ کھٹمنڈو نیپال نا اسہ ڈل اس اوڑدہی کرے۔ ڈل اٹی اسٹریٹجک ڈٹ بندی، چاروکی تشخیص نا سروک فرید احمد، کنٹری نمائندہ عبدالواحد جسر ااوار ئسر۔ ڈل ملک امین اسلم ءِ معلومدار کرے کہ پاکستان آئی سی آئی ایم او ڈی کوہ ہندوکش ڈیہہ ٹی ہشت ملک بشمول اوغانستان ، بنگلہ دیش، بھوٹان، چین، بھارت ، میانمار ، نیپال نا اسہ باسک ملک اسے۔ اوپاریر کہ ننا ادارہ وزارت موسمیاتی بدلی تون اواری اٹ کاریم کننگ ءِ و نیپال آن ننا ادارہ نا چاہندارآتا کنڈآن کیہی خشت آتا مالک آتا تربیت کن اسہ ملک گیر وسیع پروگرام اس بناء کننگانے۔
