اسلام آباد۔ 13ستمبر (اے پی پی) بنجائی وزیر ریلوے شیخ رشید احمد تون چائنہ ہاربر انجینئرنگ کمپنی نا جنرل منیجر ڑیوفنگ وانگ اسہ اہم ءُ اوڑدہی اس کرے۔ اوڑدہی ٹی ریلوے نا بابت اہم معاملہ غاتیا خیال آتا درشانی ءِ کننگا۔ داوخت آ بنجائی وزیر ریلوے پارے کہ پاک چین سنگتی دائمی ءِ، پاکستان ریلوے، چین نا ہر جوان انگا سلاہ ءِ بخیر اٹ پاہک۔ چینی کمپنی نا ٹھوس سلاہ تا مخ تفی ءِ کننگک، چینی کمپنی پاکستان ریلوے تون اوار ی اٹ کاریم کننگ اٹ است خواہی ظاہر کرے۔ دیوان اٹی ریلوے نا بڑزکو کمامدارآک ہم ساڑی ئسر۔
