راولپنڈی۔ 13ستمبر (اے پی پی) بنجائی وزیر ریلوے شیخ رشید احمد پارینے کہ سی پیک ڈٹ ننا معیشت کن مخ انا ملی نا حیثیت تخک ، ریلوے نا گچینی کن چینی کمامدارآتون ہیت وگپ جاری ءِ۔ پاکستان و چین ریلوے اواری اٹ انقلاب اس اتیرہ۔ سی پیک نا پبی مخ تفی ءِ کینہ، کرپشن نا معاملہ غا ہچ ءُ دروشم اسے اٹ سمجھوتہ کننگ پننگک۔ پاکستان ریلوے نا کنڈآن ڈیم فنڈ اٹی بشخ شاغنگک، ریلوے نا نسخان ءِ چٹفنہ۔ داخیال آتا درشانی ءِ بنجائی وزیر ریلوے شیخ رشید احمد پنچ شنبے نادے راولپنڈی ریلوے اسٹیشن آ میانوالی ریل کار انا جاچ ءِ ہلنگ نا وخت آ میڈیا تون ہیت وگپ کرسا کرے۔ اوپارے کہ بروک آ تُو پشاور آن کراچی رحمان بابا وخت اس کہ سندھ انا تہٹی اِرا پوسکنءُ ٹرین چلیفنگک ، ملک انا پدسلوک آ علاقہ غاتے ٹی ریلوے نا آسراتی ءِ سرکننگ کن کوشست کینہ، ریلوے ءِ 40 ارب آن زیات نسخان نا مون تروکی ءِ اسہ سال اسے نا وخت اٹی ریلوے ءِ نسخان آن کشنہ، ریلوے ٹی سفر کروک آ ہر مسافر ٹکٹ نا کمک اٹ اسہ روپئی ڈیم فنڈ اٹی ایتک۔ شیخ رشید احمد پارے کہ وزیراعظم آن محکمہ ریلوے نا ڈغار ءِ ہلنگ کن آرڈیننس جاری کننگ نا خواست کینہ۔ اوپارے کہ اِراٹرین تا بناءِ کننگ والااُن ہراکہ بیست دے اٹی تیار کننگانو، غٹ اکانومی ٹرین ءِ بروک آ باسنی تسکان اوفتے گچین کننگک۔ اوپارے کہ گوادر آن کوئٹہ اسکان ٹریک شاغنگک۔ سی دسمبر اسکان پاکستان ریلوے ءِ مثالی ءُ ریلوے اس جوڑ کیوہ۔ ریلوے نا کٹیا ءِ ودفنگ والااُن ۔
