اقوام متحدہ۔ 13 ستمبر (اے پی پی) پاکستان اقوام متحدہ غازور شاغانے کہ او داہیت ءِ المی جوڑ کے کہ اقوام متحدہ نا امن جامع و غیر مبہم مرے و اوڑتون معقول وسیلہ مرے تانکہ او دنیا نا بے چیٹ ڈیہہ تیٹی امن و سلامتی ءِ المی جوڑ کننگ کن تینا زمواری تے سرانجام تننگ کے۔ اقوام متحدہ ٹی پاکستان نا آخبتی مندوب ڈاکٹر ملیحہ لودھی اقوام متحدہ نا سلامتی کونسل اٹی امن آپریشن تا بابت شرہ ٹی بشخ ہلسا پارے کہ اقوام متحدہ نا امن مشن جہانی ادارہ نا سرسہب انگا انڑ پرائز ءِ۔ لائبریا ، سرالیون و ایوری کوسٹ اٹی اقوام متحدہ نا سرسہب مشن ہرافتے ساڑی ہی ٹی بند کننگانے نا ذکر ءِ کرسا اوپارے کہ دا ہر مسٹ آ مشن تیٹی پاکستانی امن دستہ اوار ئس۔ ڈاکٹر ملیحہ لودھی امن مشن نا کارکڑد آ چکار کننگ نا ستاءِ کرسا پارے کہ سلامتی کونسل ءِ تینا فیصلہ غاتا بنداو آ اقوام متحدہ نا سیکرٹریٹ ءِ درکار وسیلہ غاتا عملی جاچ ءِ مون آ تخسا بایدے کروئی مرے ۔
