اسلام آباد۔ 13ستمبر (اے پی پی) دیامر بھاشا ڈیم انا جوڑ جاڑ آن تربیلا ڈیم انا زند پین 35سال ودک، و غازی بروتھا، جناح ہائیڈرو پاور پروجیکٹ و چشمہ نا بجلی نا ڈٹ آتا کچ اٹی ہم ودکی مریک۔ واپڈا ذرائع نا رداٹ بھاشا ڈیم اناجوڑ جاڑ آ 12آن 14ارب ڈالر خڑچ انا گمان ءِ و دا چلاس آن 40 کلو میٹر شیف دریائے سندھ آ جوڑ جاڑ کننگک۔ ڈیم انا بڑزی 272 میٹر مریک و داٹی 81 لکھ ایکڑ فٹ دیر کوڑی کننگ مریک۔ دیامر بھاشا ڈیم آن جم وڑاٹ 4500 میگاواٹ بجلی دوئی مریک و سالانہ 18 ارب یونٹ آن زیات چاگڑد دوست و ہڑزآن بجلی دوئی مریک۔ ڈٹ ءِ پوروی آن تربیلا، غازی بروتھا، جناح ہائیڈرو پاور پروجیکٹ و چشمہ نا بجلی نا ڈٹ آتا پیداوار کم وود سالانہ 2 ارب 50 کروڑ یونٹ ودک وخت اس کہ داسو، پتن و تھاکوٹ پاور پروجیکٹ کون آ آخبت نا ڈٹ آتیان ہم پین ہفت ءُ نیم ارب یونٹ نا ودکی مریک۔ ڈٹ انا جوڑ جاڑ کن جہانی مسابقتی بولی نا کمک اٹ ملکی و درملکی کمپنی تا 5جوائنٹ وینچرز اٹی پری کوالیفکیشن بڈز مسابقتی بولی نا کمک اٹ جمع کرفک ہرافتا بولی نا دستاویزات، پیپر ارولز و پاکستان انجینئرنگ کونسل نا قواعد نا رداٹ جاچ ءِ ہلسا پین پیش رفت کننگک۔
