پاکستان ریلویز ایف ڈبلیو او تون اواری اٹ ملک انا گچین خذمت ءِ کیک، ادارہ پاکستان ریلویز تون بی او ٹی نا بنداو آ کاریم کننگ اٹ است خواہی ظاہر کرینے، بنجائی وزیر ریلوے

اسلام آباد۔ 12ستمبر (اے پی پی) بنجائی وزیر ریلوے شیخ رشید احمد پارینے کہ پاکستان ریلویز ایف ڈبلیو او تون اواری اٹ ملک انا گچین خذمت ءِ کیک، فرنٹیئر ورکس آرگنائزیشن پاکستان ریلویز تون بلڈ آپریٹ ٹرانسفر (بی او ٹی) نا بنداو آ کاریم کننگ اٹ است خواہی ظاہر کرینے۔ داخیال آتا درشانی ءِ او چارشنبے نادے ڈی جی ایف ڈبلیو او میجر جنرل انعام حیدر ملک تون اوڑدہی کرے۔ بنجائی وزیر ریلوے شیخ رشید احمد پارے کہ نن گوادر ، کوئٹہ نا پوسکن آ سیکشن ءِ سٹینڈرڈ گیج آ جوڑ کننگ خوانہ و کوئٹہ تفتان سیکشن ءِ سٹینڈر ڈ گیج اٹی بدل کننگ خوانہ۔ کوئٹہ تفتان ریلوے ٹریک زائر آتے کن اسہ رکھوک سفری آسراتی اس مریک۔ کراچی پشاور سیکشن آ سٹینڈرڈ گیج اٹی اسہ پوسکن ءُ الائنمنٹ اس جوڑ کننگک ، کالووال پنڈوڑہ ٹریک الائنمنٹ ءِ ہم سہی کننگک ہرانا کمک اٹ لاہور آن راولپنڈی نا سفر اِرٹ آن دونیم گھنٹہ غا مریک۔ شیخ رشید احمد پارے کہ پاکستان ریلوے قوم ءِ وخت اس ہم مایوس کپک۔ اوپارے کہ نالہ لئی آ ایکسپریس وے انا جوڑ کننگ کن ایف ڈبلیو بی او ٹی نا بنداو آ تینا سلاہ و سوج آتے مرتب کیک۔