کوئٹہ۔ 12ستمبر (اے پی پی) بلوچستان عوامی پارٹی نا اومیت دار مسکوہی صوبائی وزیر داخلہ میر سرفراز بگٹی بلوچستان آن سینیٹ نا جنرل نشست آ سرسہب ، میر سرفراز بگٹی 37 وونٹ ہلک۔ ایم ایم اے نا اومیت دار رحمت اللہ کاکڑ ءِ 20 وونٹ ملا۔ بلوچستان آن سینیٹ نا جنرل نشست اکن 4 اومیت دارآتا نیام اٹ مقابلہ ئس ، بی اے پی و ایم ایم اے آن بیدس 2آزاد اومیت دار ہم مقابلہ ٹی ئسر۔ آزاد اومیت دار آتے ٹی مسکوہی نگران وزیراعلیٰ بلوچستان میر علاؤ الدین مری و میر غلام دستگیر بادینی اوار ئسر۔ نتیجہ غاتا پڑو ءِ ریٹرننگ آفیسر صوبائی الیکشن کمشنر نیازاحمد بلوچ کرے۔ بی این پی و پشتونخوامیپ ایم ایم اے نا اومیت دار ءِ وونٹ تسر۔ آزاد اومیت دار میر عامر رند ہم الیکشن آن مست دزکش مننگ نا پڑو ءِ کریسس 61آن 57 باسک آک وونٹ بٹیر۔ چارباسک آک وونٹ بٹتوس۔
