اسلام آباد۔ 12 ستمبر (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری محرم الحرام اٹی حکومت نا کنڈآن امن و ایمنی کن کروک آ گام گیج آتے سرسہب جوڑ کننگ کن الس آن کمک نا خواست کرسا پارینو کہ اسلام امن، مابت و سگ انا دین ءِ ، ہرا فرقہ واریت ، انتہاپسندی و تعصب نا نفی ءِ کیک۔ چارشنبے نادے داکان جاری اسہ بیان اسے ٹی اوپاریر کہ عالم دین و مذہبی اسکالرآک جتا مسالک آتیان تعلق تخوک آ مسلمان تا نیام اٹ ہم آہنگی ودی کننگ کن تینا کڑد ءِ ادا کننگ و اسلام نا حقی کلہو ءِ بایدے تالان کیر۔ ڈپٹی اسپیکر قاسم سوری پارے کہ ملک اٹی دہشت گردی نا چٹفنگ و فرقہ پرستی نا مقابلہ ءِ کننگ کن تین پہ تینی اختلاف آتے است آن کشسا اسہ جامع حکمت عملی اس جوڑ کننگ نا گرج ءِ۔ نن بایدے محرم الحرام آ حقی وڑاٹ عمل کین ہرا ایثار، قربانی و سگ انا سبخ ایتک ۔ محرم الحرام اٹی نن ہروڑنا تعصب و تفرقہ بازی آن تینے بچفن۔
