بیگم کلثوم نواز نا جنازہ ٹی شرکت کن نواز شریف ، مریم نواز و کیپٹن (ر) صفدر پیرول آ یلہ

اسلام آباد۔ 12 ستمبر (اے پی پی) حکومت پنجاب مسکوہی وزیراعظم محمد نواز شریف نا اُرائی بیگم کلثوم نواز نا جنازہ ٹی شرکت کن مسکوہی وزیراعظم محمد نواز شریف ، اونا مسڑ مریم نواز و سالم کیپٹن (ر) صفدر ءِ پیرول آ یلہ کننگا اوکان پد او جاتی امرا رائے ونڈ لاہور آ ہنار۔ داوخت آ جاتی امراء ہنکین ءِ سب جیل انا درجہ دوئی مریک۔ مسکوہی وزیراعلیٰ مسلم لیگ (ن) نا صدر محمد شہباز شریف حکومت پنجاب ءِ نواز شریف ، مریم نواز و کیپٹن (ر) صفدر نا پیرول آ 5دے اکن یلہ کننگ نا درخواست تسوسس۔ دادرخواست آ محکمہ داخلہ پنجاب مسکوہی وزیراعظم محمد نواز شریف، مریم نواز و کیپٹن (ر) صفدر ءِ 12 گھنٹہ پیرول آ یلہ کننگ نا منظوری ءِ تس۔