اسلام آباد۔ 11ستمبر (اے پی پی)بُنجاھی وزیر برائے وانگ ءُُ زانگ ءُُ کزبی ھیل کاری شفقت محمود ءَ گوں پاکستان ءَ برطانیہ ءِ ہائی کمشنر تھامس ڈریو ءِ سروکی ءَ یک ڈلے ءَ گند ءُُ نند کت۔ برطانیہ ءِ ادارگ برائے میاں اوستمانی دیمروئی (ڈی ایف آئی ڈی) ءِ ڈل ءِ سروک جونا ریڈ ءُُ ڈائرییکٹر برٹش کونسل پاکستان ، روز میری بل ہورسٹ ھم ڈل ءِ تہ ءَ ھوار اَت۔ گند ءُُ نند ءَ سیکرٹری وانگ ءُُ زانگ ارشد مرزا ھم ساڑی اَت۔ بُنجاھی وزیر ءَ ڈل ءَ را وش اتک کنان ءَ گوشت کہ وانگ ءُُ زانگ حکومت ءِ بنداتی ترجی اِنت پاکستان ءَ را اے وھد ءَ وانگ ءُُ زانگ ءِ شوبگ ءَ جتا جتائیں چیلنجز آں گوں دیم پی دیمی اِنت ایشانی گیواری حکومت ءِ جزم اِنت۔ بُنجاھی وزیر ءَ جتا جتائیں چیلنجز آنی تران کنان ءَ گوشت کہ ایشانی تہ ءَ دربر جاھ ءَ چہ ڈن جندی سرکاری نیک راھی دربرجاھ ءُُ مدرسہ آنی تہ ءَ یک رنگیں زانشتی نظام ھوار اَنت۔ یک چیلنج ءِ جوانیں زانشت ءِ پُجاری ایگ اِنت ءُُ زانشتی نظام ءِ تک ءَ یک ٹوھیں پالیشی ءِ جوڑ ھم بوھگ ءَ اِنت ایش جوانیں زانشت ءَ را ھمک مردم آناں پُجارینگ ءَ دل یکیمی کنت اِنت ایشی ءَ چہ ھمک مردم ءَ را ھمکچیں موہ رس ایت۔ بُنجاھی وزیر ءَ گیش تران کت کہ سٹریٹ چلڈرن ءِ واستہ یک ھاسیں پروگرام ءِ پجار کنائینگ بیت اِنت۔
