اسلام آباد۔ 11ستمبر (اے پی پی) خادم الحرمین شریفین شاہ سلمان بن عبدالعزیز ڈاکٹر عارف علوی ءِ صدر مملکت نا منصب ءِ سنبھالنگ آ مبارکبادی تسنے۔ تینا تہنیتی کلہو اٹی سعودی فرمانرواشاہ سلمان سعودی عرب نا الس ، حکومت و تینا کنڈآن ڈاکٹر عارف علوی ءِ صدر پاکستان جوڑ مننگ آ مبارکبادی ترسا نیک است خواہی نا درشانی ءِ کرے۔ اوپارے کہ نن پاکستان نا برادر الس نا پین شونہالی نا خواہندار اُن۔ اوہڑتوم آ ملک آتا نیام اٹ خڑکی برادرانہ تعلقداری تا ستاءِ کرسا پارے کہ غٹ بشخ آتے ٹی دا رابطہ غاتے سوگوی تننگ کن کوشست آک برجاءُ۔ سعودی ولی عہد محمد بن سلمان بن عبدالعزیز ہرا نائب وزیراعظم و وزیر دفاع ہم ارے، ہم ڈاکٹر عارف علوی ءِ سروک مملکت نا منصب ءِ سنبھالنگ آ مبارکبادی تس۔

متعلقہ مضامینمصنف کی طرف سے مزید