اسلام آباد۔ 11ستمبر (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تیٹی بنجائی تعلیم و تربیت ڈویژن نا شونداری کاریم تے کن جم وڑاٹ داوخت اسکان 2 کروڑ 46لکھ روپئی نا فنڈ جاری کرینے، حکومت ڈویژن نا شونداری کاریم تے کن اینخو نا مالی سال اٹی 4ارب 33 کروڑ 65لکھ روپئی نا فنڈ جتا کرینے ۔ پلاننگ کمیشن نا کنڈآن جاری کروک حساب وکتاب نا ردٹ حکومت ایجوکیشنل لیڈر شپ و انسٹیٹیوشنل مینجمنٹ کن 31 لکھ 58 ہزار، قومی نصاب کونسل نا جوڑ کننگ کن اسہ کروڑ 88 لکھ، انٹرنیشنل سائنس ریاضی سٹڈی پروگرام کن 14لکھ 34ہزار روپئی آن زیات نا فنڈ جاری کننگانے۔
