اسلام آباد۔ 11 ستمبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی کیڈ ڈویژن نا شونداری کاریم تے کن جم وڑاٹ داوخت اسکان 32 کروڑ 12لکھ 56 ہزار روپئی نا فنڈ جاری کرینے، حکومت داڈویژن نا شونداری کاریم تے کن اینخو نا مالی سال اٹی 15ارب 23 کروڑ 69 لکھ روپئی نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت پاک سیکرٹریٹ اٹی مسیت نا اپ گریڈیشن کن 3 کروڑ 99 لکھ، چک شہزاد اٹی فیڈرل جنرل ہسپتال اٹی اوپی ڈی بلاک نا اڈ تننگ وجوڑ جاڑ کن 59 لکھ، سیف بلڈٹرانسفیوژن سروس پروجیکٹ کن 40 لکھ، اسلام آباد اٹی 200 تعلیمی ادارہ غاتا اپ گریڈیشن و زیب و زینت کن 16کروڑ 90 لکھ روپئی آن زیات نا فنڈ جاری کننگانے۔
