اسلام آباد۔ 10ستمبر (اے پی پی) کابینہ ءِ اقتصادی رابطہ کمیٹی (ای سی سی ) ءَ دھکان آناں ریلیف دیگ ءِ واستہ یک لکھ میٹرک ٹن یوریا کدھ ڈن ءَ چہ لوٹارینگ ءُُ یک گونی یے نیاد 960کلدار سبسڈی دیگ ءِ پیسلہ کتگ وھدیکہ گیس ءِ نیاد آنی بابت ءَ پیسلہ مھتل داشتگ، کمیٹی ءَ ایل پی جی گیس سلنڈرز آنی نیاد آناں گران کنوک آنی ھلاپ ءَ کاروائی کتگ ءُُ نیاد آناں واتر پیسر ئیگ کنگ ءِ واستہ صوبائی حکومت آں گوں رابطہ کنگ ءِ سپارش کتگ، اے بابت ءَ حکومت جوانیں گامگیج سہرا کنت۔ دو شمبے ءَ بُنجاھی وزیر اھوالکاری ءُُ شنگ کاری چوہدری فواد حسین ءَ ای سی سی دیوان ءِ بابت ءَ بریفنگ دیان ءَ گوشت کہ اقتصادی رابطہ کمیٹی ءِ دیوان ءَ ارزشتی ایں پیسلہ کنگ بوتگ، معشیت ءِ ھواریں جاور ھال، توان، گیس ءِ جیڈھ وزیر ءِ ھزانگ اسد عمر پارلیمان ءِ دیم ءَ ایر کن آں۔ آئی ءَ گوشت کہ ای سی سی ءَ دھکان آناں ریلیف دیگ ءِ واستہ یک لکھ میٹر ٹن یوریا کدھ ڈن ءَ چہ آرگ ءِ منظوری داتگ، اے وھد ءَ ملک ءَ کدھ ءِ ضلورت 5.833ملین ٹن اِنت، گوستگیں سال 5.862 ملین ٹن یوریا کدھ ءِ ضلورت اتت، یوریا کدھ ءِ ڈن ءَ روان دیگ ءَ پد یک گونی یے نیاد 2575کلدار بیت ایشی ءِ تہءَ ھما گیشیں 960کلدار اَنت آ گیشی ءَ حکومت وتی کوپگ ءَ زور ایت ایشی ءِ گوما یک انچیں نظام ءِ شاھیگان کنگ بوتگ کہ آ وتی کدھ ءِ پلانٹس انت ایشاناں ھم گیس پُجاری کنگ بیت تانکہ کدھ ءِ پیداک کنگ ءِ تہ ءَ گیشی بہ بیت ایشی ءَ چہ دھکان آنی ضلورت پیلو بہ بنت۔
