اسلام آباد۔ 10 ستمبر (اے پی پی) وزیراعظم عمران خان پارینے کہ پنجاب ، پختونخوا و بنجاٹی ساڑی سرکاری ڈغار و اوفتیا جوڑ کروک آرام گاہ (ریسٹ ہاؤس) آتا بابت دوئی 90 درسد حساب وکتاب نا رداٹ بیرہ شاری ڈغار و اوفتیا جوڑ کروک ماڑی تا نرخ 300 ارب روپئی آن زیات ءِ ، تینا بروک آ چین تیا وام تا بھاریم ءِ شاغسا 5 ارب روپئی ہردے سود ادا کروک آ ملک کاریم اٹ اتپروک آ سرمایہ نا بھلو ڈھیر اسے آ تولوک ءِ۔ دوشنبے نادے سوشل میڈیا غا جاری تینا ٹویٹ اٹی وزیراعظم پارے کہ پنجاب ، پختونخوا و بنجاٹی ساڑی سرکاری ڈغار و اوفتیا جوڑ کروک آرام گاہ (ریسٹ ہاؤس) آتا بابت 90 درسد حساب وکتاب کنا مون آٹی ءِ۔ دا ہوشربا حساب وکتاب نار داٹ 34459 کینال ڈغار خلقی علاقہ غا تالان ءِ وخت اس کہ 17035 کینال سرکاری ڈغار شاری علاقہ ٹی واقع ءِ۔ اوپارے کہ بیرہ شاری ڈغار و اوڑآ جوڑ کروک ماڑی تا بہا300 ارب روپئی آن زیات ءِ۔ اوپارے کہ اسہ ہندن ءُ ملک اس ہرا سود انا ادائیگی کن ہم تینا بروک آ چین تیا بھاریم شاغسا وام تا سیبو ءِ ہلیک ، او سرکاری ڈغار/ماڑی تا دروشم اٹ کاریم اٹ اتپروک آ سرمایہ نا بھلو ڈھیر اسے آ تولوک ءِ۔ پاکستان 5 ارب روپئی ہردے سودادا کیک وخت اس کہ اونا شاریک ماڑی تا 90 درسد بشخ انا بہا 300 ارب آن زیات ءِ۔
