اسلام آباد۔ 10 ستمبر (اے پی پی) پاکستان تحریک انصاف علماء مشائخ ونگ اسلام آباد ریجن نا رداٹ ’’اتحاد امت کانفرنس‘‘ (اینو) سے شنبے نادے آاسلام آباد اٹی مریک۔ کانفرنس نا مہمان خاص بنجائی وزیر مذہبی امور نورالحق قادری مریک۔ سرجم احوال آتارداٹ پاکستان تحریک انصاف علماء مشائخ ونگ اسلام آباد ریجن نا دیوان ریجنل صدر مولانا محمد قاسم قاسمی نا کماشی ٹی اسلام آباد سیکرٹریٹ اٹی مس۔ دیوان اٹی سیکرٹری جنرل مفتی راشد مبین، این اے 53نا صدر حافظ محبت خان، این اے 54 نا سیکرٹری جنرل مفتی کفایت اللہ، ریجنل سیکرٹری اطلاعات حافظ عمار علوی، سینئر نائب صدر مولانا حارث کلیم، کونسلر حافظ ارشد رحیم، حافظ فضل ربی، حافظ ثناء اللہ، نائب صدر آغا امیر شاہ، مولانا عبداللہ ، مولانا احسان اللہ، مولانا شفیق الرحمان ، مولانا عبداللہ ، مولانا عبدالجلیل جلالی، مولانا عدنان، مولانا انعام الحق ضیائی و مولانا حسین علوی تون اوار ایلو عالم دینک ساڑی ئسر۔ دیوان اٹی محرم الحرام اٹی امن و ایمنی ناحالیت آتے گچین کننگ و بین المسالک ہم آہنگی ءِ مون آ دننگ کن غٹ کوشست آتے کاریم اٹ اتنگ نا عزم انا درشانی ءِ کننگا۔ دیوان ءِ پاننگاکہ تحریک انصاف علماء مشائخ ونگ اسلام آباد ریجن نا رداٹ ’’اتحاد امت کانفرنس‘‘ اینو ہندی ہوٹل اٹی مریک۔ داوخت آ بنجائی وزیر مذہبی امور بین المذاہب ہم آہنگی نورالحق قادری مہمان خاص مریک وخت اس کہ وزیر مملکت داخلہ شہریار خان آفریدی، وزیر جان جوڑی عامر کیانی، چیف وہپ عامر ڈوگر و قومی اسمبلی ناباسک راجہ خرم نواز تون اوار غٹ مکاتب فکر انا عالم دینک خصوصی شرکت کیرہ۔
