وزارت ڈٹ بندی، شونداری و اصلاحات پی ایس ڈی پی نا رداٹ وزارت و ڈویژن آتا شونداری ڈٹ آتے کن 34 ارب 67 کروڑ 44 لکھ روپئی نا فنڈ جاری کرے

اسلام آباد۔ 10 ستمبر (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تے کن اینخو مالی سال اٹی چندی وزارت و ڈویژن آتا شونداری ڈٹ آتے کن جم وڑاٹ داوخت اسکان 34 ارب 67 کروڑ 44لکھ 90 ہزار نا فنڈ جاری کرینے۔ حکومت سرکاری بشخ انا شونداری پروگرام تے کن اینخو نا مالی سال اٹی 10 کھرب 30 ارب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت ایراء کن 11 کروڑ ، گلگت بلتستان بلاک کن 7 ارب 7 کروڑ 80 لکھ ، اے جے کے بلاک کن 4 ارب 74 کروڑ، واٹر ریسورس ڈویژن کن اسہ کروڑ 50 لکھ،ٹیکسٹائل ڈویژن کن 36 لکھ ، سپارکو کن 24کروڑ 67لکھ، سائنس اینڈ ٹیکنالوجی ریسرچ ڈویژن کن 10کروڑ 72، ریونیو ڈویژن کن 22 کروڑ 49 لکھ، ریلویز ڈویژن کن 3 ارب 37 کروڑ 99 لکھ، پلاننگ کمیشن کن 86 کروڑ 56 لکھ، پٹرولیم ڈویژن کن 93 لکھ، پاکستان نیوکلیئر ریگولیٹر اتھارٹی کن 6 کروڑ، پاکستان اٹامک انرجی کمیشن کن 4 ارب 72 کروڑ، ملک اٹی جان جوڑی نا آسراتی تے گچین جوڑ کننگ کن 55 کروڑ 38 لکھ، نارکوٹکس کنٹرول ڈویژن کن اسہ کروڑ 94 لکھ، میری ٹائم افیئر ڈویژن کن 41 کروڑ 45 لکھ، داخلہ ڈویژن کن 2 ارب 62 کروڑ 31 لکھ، انفارمیشن ٹیکنالوجی وٹیلی کام ڈویژن کن 29 کروڑ، انسانی حقوق ڈویژن کن 2 کروڑ، ہائیر ایجوکیشن کمیشن کن 4 ارب 63 کروڑ، ڈیفنس پروڈکشن ڈویژن کن 38 کروڑ، کابینہ ڈویژن کن 20 کروڑ، ایوی ایشن ڈویژن کن 21 کروڑ، کمیونیکیشن ڈویژن کن 2 ارب 78 کروڑ، کیڈ ڈویژن کن 32کروڑ 12 لکھ روپئی تون اوار چندی شونداری ڈٹ آتے کن فنڈز جاری کرینے ۔ پلاننگ کمیشن اسہ خاص ءُ وڑوڈول اسے نار داٹ سرکاری بشخ انا شونداری پروگرام تے کن فنڈز جاری کننگ ءِ ۔