اسلام آباد۔ 10 ستمبر (اے پی پی) گدرینگوک آ مالی سال اٹی ملک اٹی ٹرانسپورٹ خذمت آتا برآمد آتیٹی 5.74 درسد ودکی ریکارڈ کننگا۔ ادارہ شماریات پاکستان نا حساب وکتاب نا رداٹ مالی سال 2017-18 ء ٹی پاکستان ٹرانسپورٹ خذمت آتا برآمد آتیان 977.470 ملین ڈالر نا زرمبادلہ کٹیا کرے ہرا پیوستہ مالی سال نا مقابلہ ٹی 5.74 درسد زیات ءِ، مالی سال 2016-17 ء ٹی پاکستان ٹرانسپورٹ خذمت آتا برآمد آتیان 924.371 ملین ڈالر نا زرمبادلہ دوئی کریسس۔
