اسلام آباد ۔ 09ستمبر (اے پی پی) چین ءِ وزیر ءِ درئی کار وانگ ڑی ءَ صدر ءِ مملکت ڈاکٹر عارف علوی ءَ گوں ایوان ءِ صدر ءَ گند ءُُ نند کت۔ صدارتی سیکرٹریٹ پبلک پریس ونگ ءَ چہ جاڑی بوتگیں پریس ریلیز ءِ رد ءَ چینی وزیر درئی کار ٹوھیں تک ءِ ڈل ءِ سروکی ءَ کنگ ءَ اَت ایشی ءِ تہ ءَ سئے وزارتی تک ءِ کارندہ ھم ساڑی اتنت۔ وزیر ءِ درئی کار ءَ صدر مملکت ءَ را سیٹ ءِ کٹگ ءِ پد ءَ ڈاکٹر عارف علوی ءَ را مبارک بات دیان ءَ نوکیں حکومت ءِ واستہ چینی سروکی ءِ واستہ نیکیں واھگ آنی درشان کت۔ آئی ءَ گوشت کہ آئی ءَ اے شرپ گون اِنت کہ صدر ءِ مملکت ءَ سوگند چست کنگ ءَ پد اولی مردم اِنت کہ آئی ءَ سوگندی مراگش ءَ زوتاں پد گند ءُُ نند کتگ۔ آئی ءَ گوشت کہ دوئیں ملک آنی نیام ءَ سٹریٹجک شریکداری کمک ءِ ارزشت ءِ سر ءَ زور پر دیان ءَ امیت سہرا کت کہ اے امیت آنی تہءَ گیش گہتری کئیت۔ آئی ءَ مزن وزیر ءِ گوما وتی گند ءُُ نند ءُُ وزیر ءِ درئی کار ءِ گوما ڈل ءِ تک ءَ گپ ءُُ تران آنی ھوالگ ءَ دیان ءَ گوشت کہ ایشی ءَ چہ دمگی ءُُ ٹوھیں جیڈھ گیوار بوھگ ءِ آسراتی سہرا بنت۔
