اسلام آباد۔ 8ستمبر (اے پی پی)بُنجاھی وزیر اھوالکاری ءُُ شنگ کاری فواد حسین ءَ گوشت کہ حکومت ءَ پیسلہ کتگ کہ وت مستری ءَ ماڑی آنی جوڑ کنگ ءُُ سرکاری زمین ءِ گروک آناں پُشت ءَ کنزینگ بیت۔ بُنجاھی دارالحکومت ناجائزیں دیم ءَ کنزگ ءِ ھلاپ ءَ آپریشن ءِ اولی بھر محرم الحرام ءَ چہ پیسر سرجم کنگ بیت ایشی ءَ چہ پد لاہور ءُُ ایندگر شہر آنی تہءَ سرکاری زمین آناں مردم آنی چنگل ءَ آزات کنگ بنت۔ سی ڈی اے ءَ دیم ءَ کنزگ ءِ ھلاپ ءَ آپریشن بندات کنگ ءَ پیسر توامیں کانودی لوٹ سرجم کتگ اَنت۔ مزن وزیر عمران خان زوت کراچی ءِ تر ءُُ تاب ءَ کنت، آھودا زوت سپائی ءِ بندات کنگ بیت، کراچی ءِ الس آں تحریک ءِ انساپ ءَ را دُرستاں چہ مستریں مینیڈیٹ داتگ۔ شمبے ءِ روچ ءَ جی 12ءَ سی ڈی اے ءِ نیمگ ءَ گیر کانودی زمین آنی سر ءَ ماڑی ءِ بندگ ءِ ھلاپ ءَ آپریشن ءِ ساھت ءَ تر ءُُ تاب ءِ موہ ءَ میڈیا ءَ گوں تران کنان ءَ بُنجاھی وزیر ءَ گوشت کہ حکومت ءَ پیسلہ کتگ کہ ناجائزیں رنگ ءَ دیم ءَ کنزینگ ءُُ ماڑی جوڑ کنگ، ایشاناں پروشگ بیت ءُُ شہر ءِ اندر ءَ کاروائی ھم بیت۔
