اسلام آباد۔08 ستمبر(اے پی پی) زانت ءُُ زانشت ءِ دیمروئی ءُُ بے وانندگی ءِ ھلاسی ءِ واستہ ھواریں راجی دیمروئی (جی ڈی پی) ءِ 4 درسد ءِ بروبری ءَ بجٹ گیشینگ ءِ ضلورت اِنت، پاکستان ءَ گوستگیں بازیں سال آں چہ وانگ ءُُ زانگ ءِ پڑ 58ءَ تاں 60درسد ءِ نیام ءَ اِنت ایشی ءَ تہ ءَ گیشی ءِ واستہ جوانیں گامگیج کنگ ءِ ضلورت اِنت۔ یک شمبے ءِ روچ ءَ میاں اوستمانی زانت ءُُ زانشی روچ برجم دارگ بوت ایش ھمک سال اقوام ءِ متحدہ ءِ چیر دستی ءَ سرجمیں دُگنیا ءَ برجم دارگ بیت۔ گوزوکیں سال ءَ زانت ءُُ زانشت ءِ بُن گپ ’’ زانت ءُُ زانش ءِ دیمروئی‘‘ گچین کنگ بوتگ۔ زانشت ءِ میاں اوستمانی روچ ءِ رد ءَ نیشنل کمیشن فارہیومن ڈویلپمنٹ (این سی ایچ ڈی) ءَ اقوام ءِ متحدہ ءِ ادارگ برائے وانگ ءُُ زانگ، سائنس ءُُ دود ءُُ ربیدگ (یونیسکو)، جاپان ءِ میاں اوستمانی کمکی ادارگ (جائیکا) ءُُ بُنجاھی وزارت ءِ وانگ ءُُ زانگ ءُُ ھیل کاری ءِ شریکی ءَ سیمینار ءِ ھڈ دات۔
