اسلام آباد۔08 ستمبر(اے پی پی)بُنجاھی وزیر جان سلامتی عامر محمود کیانی ءَ گوشت کہ جان سلامتی ءِ شوبگ استیں حکومت ءِ اولی ترجی آنی تہءَ ھوار اِنت، مزن وزیر عمران خان ءِ ویژن ءِ رد ءَ جان سلامتی ءِ پڑ ءَ کار بندات بوتگ، حکومت ہسپتال آنی تہ ءَ مریض آناں توامیں آسراتی پُجارینگ ءَ ھمک رنگ ءِ کوشست کن اَنت اے رد ءَ جوانیں رنگ ءِ مانیٹرنگ برجا کنگ بیت ءُُ اے ھوالگ ءَ اِچ کوتاھی برداشت کنگ نہ بیت۔ اے ھیالانی درشانی آئی ءَ ادا پمز پولی کلینک ہسپتال ءِ تر ءُُ تاب ءِ موہ ءَ تران کنان ءَ کت۔
