مزن وزیر عمران خان ءَ آپ ءِ جیڈھ ءَ را پاکستان ءِ دُرستاں چہ مستریں جیڈھ نامینان ءَ پی ایم۔ سی جے فنڈ برائے دیامربھا شا ءُُ مہمند ڈیم ءِ جوڑ کنگ ءِ جار جت
زر ءَ آدیم پاکستانی ڈیم فنڈ ءِ تہ ءَ گیشاں چہ گیش بھر زوری بکن اَنت، 80 ءَ چہ 90لکھ ءِ کساس ءَ ڈن ءِ ملک ءَ پاکستانی کم چہ کم یک ھزار ڈالر یک مردم فنڈ بدینت گڈا مئے کرا ڈیم جوڑ کنگ ءِ واستہ پیسہ جم بیت،
مزن وزیر عمران خان ءِ آپءِ ھوالگ ءَ بیگاہ ءَ راج ءَ گوں رسانکی گشتانک
اسلام آباد ۔ 7ستمبر (اے پی پی) وزیراعظم عمران خان ءَ آپ ءِ کمیگ ءَ را پاکستان ءِ دُرستاں چہ مستریں جیڈھ نامینان ءَ پی ایم ۔ سی جے فنڈ برائے دیامر بھاشا ءُُ مہمند ڈیم ءِ برجائی ءِ جار جنان ءَ توامیں پاکستانی ھاسیں رنگ ءَ زر ءَ چہ آدیم پاکستانی آں گوں دزبندی کرتگ کہ آ ڈیم فنڈ ءِ دیگ ءِ تہ ءَ گیشاں چہ گیش بھر زوری بکن اَنت، 80ءَ چہ 90لکھ ءِ کساس ءَ ڈن ءِ ملک ءَ پاکستانی کم چہ یک یک ہزار ڈالر یک مردم اے فنڈ ءِ تہ ءَ بھر زوری بکن اَنت گڈا مئے کرا ڈیم جوڑ کنگ ءِ واستہ جوانیں زر بیت، ءُُ اے زر آنی ھپازت ءَ وت آ کنت آئی ءَ گوشت۔ آئی ءَ گوشت کہ من راج ءَ را دل یکیمی دیاں کہ زاج ءِ زرانی ھپازت ءَ منی جند ءِ کوپگ آن اِنت۔ آئی ءَ اے گپ آدینگ ءِ روچ ءَ بیگاہ ءَ آپ ءِ کمیگ ءِ ھوالگ ءَ ڈیم ءِ جوڑیشت ءِ ھوالگ ءَ ھاسیں راج ءَ گوں رسانکی گشتانک ءِ ساھت ءَ کت ۔ مزن وزیر ءَ گوشت کہ آئی ءَ پاکستانی الس ءَ گوں سوگند کتگ کہ آ ملک ءِ توامیں جیڈھ آں دیم ءَ ایر کنت ءُُ توامیں چیز آں سرپد کنت۔ مزن وزیر ءَ گوشت کہ گوستگیں ھپتگ ءَ چہ آ ملک ءِ معاشی جاور، وام ءِ جاور ھال، ھاٹیگ ءِ جیڈھ، درئی پالیشی ءَ ھوار جتا جتائیں شوبگ آنی تہ ءَ بریفنگز گرگ ءَ اِنت۔ آئی ءَ گوشت کہ ایشی ءِ تہ ءَ اِچ شک نیست کہ ملک گوں نمونگ نمونگ چیلنجز آں گوں گر ءُُ چیل اِنت، دھ سال ءَ پیسر شش ہزار ارب کلدار ءِ وام پر بوتگ، نوں ایش 30ہزار کلدار ءَ تاں سر بوتگ اَنت۔ مزن وزیر ءَ گوشت کہ اے وھد ءَ دُرستاں چہ مستریں جیڈھ آپ ایگ اِنت۔ آئی ءَ گوشت کہ وھد ءِ پاکستان آزات بوتگ گڈا ھمک پاکستانی ءِ بھر ءَ 5ہزار 6سد کلدار کیوسک آپ بوتگ نوں مروچی ایش یک ہزار کیوسک یک مردم پشت کپتگ۔ مزن وزیر ءَ گوشت کہ پاکستان ءَ آپ ءِ مڈی آنی گنجاشک ایوک ءَ 30روچ ایگ اِنت وھدیکہ بھارت ءَ اے 90روچ ءُُ مصر ءَ ایک ہزار روچ ایگ اَنت۔ وھدیکہ دُگنیا پھم ایت کہ 120روچ ءِ مڈی کنگ ءِ گنجاشک بہ بیت۔ مزن وزیر ءَ اے رد ءَ ڈیم ءِ جوڑیشت ءَ را ملک ءِ واستہ سک باز المی نامینان ءَ گوشت کہ اگاں ما انوں ڈیم جوڑ کنگ بندات نہ کت گڈا مئے آیوکیں پد ریچ آنی واستہ ما یک ٹوھیں جیڈھ ءِ یل دیاں ایشی ءِ رد ءَ من نوں اچ نہ گوشاں۔ مزن وزیر ءَ توامیں پاکستانی ھاسیں رنگ ءَ ڈن ءِ ملک ءَ نندوکیں پاکستانی برات آں گوں اپیل کت کہ آ وتی آیوکیں باندات ءِ واستہ ڈیم ءِ فنڈ ءَ گیشاں چہ گیش کمک کنگ ءَ بندات بکن اَنت۔ مزن وزیر ءَ شوکت خانم ہسپتال ءُُ نمل یونیورسٹی ءِ برجائی ءَ ڈن ءِ ملک ءَ نندوکیں پاکستانی آنی کرد ءِ توسیپ کت ءُُ گوشت کہ شوکت خانم کینسر ہسپتال ءَ ھک سال 70 درسد ءِ کمیگ بیت ایشرا ولائت ءَ نندوکیں پاکستانی وتی کمک ءِ وسیلگ ءَ سرجم بکن اَنت۔ آئی ءَ گوشت کہ 80ءَ چہ 90لکھ ءِ کساس ءَ ڈن ءِ ملکی پاکستانی ءَ گوں ھاسیں دلگوشی آں کہ آ کم چہ کم یک ہزار ڈالر فنڈ روان بدیت گڈا مئے کرا ڈیم جوڑ کنگ ءِ واستہ جوانیں کساس ءَ زر جم بیت۔ آئی ءَ گوشت کہ مالی آسراتی بہ بیت گڈا ما پنچ سال ءِ تہ ءَ ڈیم جوڑ کناں۔ دیر ھمے ھاترا لگ اِیت کہ مئے کرا زر ی وسیلگ نیست۔ آئی ءَ گوشت کہ من راج ءَ را دل یکیمی دیاں کہ اے زرّ ڈیم ءِ ھاترا ھرچ ءُُ درچ بنت اے جوانیں کار ءِ تہ ءَ گیشاں چہ گیش بھر زوری بکن اِت اے یک نمونگ ءِ جہاد اِت، مزن وزیر ءَ زرّ ءَ آ دیم ولائت ءَ نندوکیں پاکستانی گل ، توامیں سیاسی گل ءُُ تحریک ءِ انصاف ءِ ڈن ملکی گل آنی سر ءَ زور پر دات کہ آ مرچی اے رد ءَ جہاد کنگ ءَ بندات بکن اَنت، پاکستان ءَ را اے ڈیم جوڑ کنگی انت۔
