اسلام آباد۔ 07 ستمبر (اے پی پی) بنجائی وزیر اطلاعات و نشریات چوہدری فواد حسین حکومت اقتصادی سلابتی کمیٹی آن عاطف میاں نا پنداری ءِ پدی ہلنگ نا فیصلہ کرینے۔ تینا ٹویٹ اٹی اوپارے کہ حکومت عالم دین آتون اوار راج انا غٹ تپہ غاتے اوار ہلسا مون آ ہِننگ خواہک و اسہ پنداری سے آن اگہ جتا تاثر ودی مریک تو دا جوان اف۔ ہنداخاطرآن حکومت اقتصادی سلابتی کمیٹی آن عاطف میاں نا بطور باسک پنداری ءِ پدی ہلنگ نا فیصلہ کرینے۔ بنجائی وزیر تینا ٹویٹ کلہو اٹی مستی پارے کہ وزیراعظم عمران خان نا آئیڈیل مدینہ نا ریاست ءِ۔ وزیراعظم و اونا کابینہ نا باسک آک عاشقان رسول کریم ﷺ ءُ۔ اوپارے کہ ختم نبوت ﷺ ننا ایمان نا بشخ ءِ و ساڑی ہی ٹی گستاخانہ خاکہ غاتا معاملہ غا حکومت ہرا سرسہبی ءِ دوئی کرینے او ہم ہندا نسبت نا درشانی ءِ۔
