اسلام آباد۔07 ستمبر (اے پی پی) چین پاکستان اقتصادی راہداری ڈٹ (سی پیک) نا چندی روٹس آتیا خاص انگا اقتصادی زون تا جوڑ کننگ کن 46ہند آتے گچین کننگانے۔ ملک انا چندی علاقہ غاتے ٹی 41ہزار 715 ایکڑ رقبہ غا خصوصی اقتصادی زون جوڑ کننگک ہراڑآن ملک اٹی واپاری و صنعتی سرجزآتا مون آ دننگ و روزگار نا پوسکن ءُ وارخواہی ودی کننگ اٹ کمک رسینگک۔ زرکاری بورڈ انا رپورٹ نا رداٹ سی پیک نا چندی روٹس آتیا جوڑ کروک آ خاص انگا اقتصادی زون تیان 17 ایس ای زیڈ خیبر پختونخوا، 9 بلوچستان ، 7 سندھ ، 4پنجاب ، 2گلگت بلتستان ، اسہ فاٹاو چار آزاد کشمیر وخت اس کہ اِرا خاص ءُ اقتصادی زون بنجائی دارالحکومت اسلام آباد اٹی جوڑ کننگ کن گچین ہند آتا پیدواری ءِ کننگانے۔ رپورٹ نا رداٹ سی پیک نا ڈٹ آتیا پیش رفت نا جاچ ءِ ہلنگ کن چین وپاکستان نا جوائنٹ ورکنگ گروپ نا بروک آ دیوان 16اکتوبر آ بیجنگ اٹی اڈ ہلیک ہراٹی خاص انگا اقتصادی زون تا جوڑ کننگ نا بابت ہم اہم فیصلہ غاتا گمان ءِ۔
